O X Ciclo de Música Voces Cálidas para Noites de Inverno finalizará este sábado cun concerto de Iria Estévez no centro cultural A Fábrica, en Perillo, ás 20:30 horas. As entradas teñen un prezo de 4 euros e pódense adquirir a través de Ataquilla.com ou desde unha hora antes na billeteira do auditorio.
Desde o comezo da súa carreira profesional, Iria Estévez levou o fado na súa voz a escenarios de todo o territorio peninsular. Con Fado Nordés, Iria Estévez únese aos guitarristas Artur Caldeira e Daniel Paredes, á procura da esencia compartida entre a cantiga galega e o fado, a través das melodías, a profundidade dos poemas, a voz libre e os trinos desgarrados das guitarras.
VENDA DE ENTRADAS EN LIÑA: https://entradas.ataquilla.com/ventaentradas/es/otras-musicas/auditorio-a-fabrica/15216–iria-estevez.html
